Salmonellyozun aşkarlanması ilə əlaqədar Milli Qida Agentliyi araşdırmalara başlayıb. Məlumatı Milli Qida Agentliyi yayır.

Bəyanatda qeyd edildiyi üzrə, Milli Qida Agentliyi Tbilisinin Yoluxucu Xəstəliklərin Epidemik Müşahidəsi və Nəzarət Munisipal Mərkəzindən salmonella infeksiyasına qrup halında yoluxma ilə bağlı (cəmi altı pasiyent, o cümlədən üçü laboratoriya tərəfindən təsdiqlənmiş) bildiriş alıb.

“Epidemioloji tədqiqatla müəyyən edilib ki, pasiyentlər “Ori Katxa” restoranında (ünvan: Viktor Kupradze küç. N52) olublar və orada xinkali, toyuq filesinin kababını və toyuq filesi ilə “Sezar”salatı yeyiblər.

Məlumatı aldıqdan dərhal sonra Milli Qida Agentliyi araşdırmaya başlayıb – agentliyin Tbilisi şəhər xidmətinin səlahiyyətli şəxsləri MMC “Ludsakharshi Ori Katkha”ya (Ludsaxarşi, restoran 406283338, ünvan: Viktor Kupradze küç. N52) məxsus mətbəxdə plansız təftiş aparıblar.

Yoxlama zamanı kritik uyğunsuzluqlar müşahidə edilib, bu səbəbdən obyektin istehsal prosesi dayandırılıb və 1000 lari məbləğində cərimələnib; Qeyri-kritik uyğunsuzluqlar da müəyyən edilib və ağlabatan müddəti nəzərə almaqla onların aradan qaldırılması üçün göstərişlər verilib.

Milli Qida Agentliyinin səlahiyyətli şəxsləri tərəfindən laboratoriya tədqiqatı üçün qida nümunələri götürülüb (Xinkalinin qiyməsi, toyuq əti ilə “Sezar” salatı və kahı), tədqiqatla bağlı məlumat əldə edilən kimi ictimaiyyətə təqdim olunacaq.

Salmonellyoz bakterioloji etimologiyalı zoonoz xəstəlikdir, insanlara qidadan, xüsusən də ətdən və ondan hazırlanan məhsullardan keçir. Xəstəliyi törədicisi salmonellalar “Enterobacteriaceae” ailəsinə və 2500-dən çox serotipi olan Salmonella cinsinə aiddir, onların əksəriyyəti insanlar, heyvanlar və quşlar üçün patogendir. Salmonellyozun qarşısının alınması məqsədilə bütün qida istehsalı zəncirində (kəsimxana, ət və ət məhsullarının emalı, satış və ictimai iaşə obyektləri) istehsalat və nümunəvi gigiyena tədbirlərinin həyata keçirilməsi vacibdir” – bəyanatda qeyd olunub.