Milli Statistika İdarəsinin məlumatına görə, 2020-ci ildə Gürcüstanda 58 qurum elmi tədqiqat aparıb, il ərzində görülmüş işlərin ümumi həcmi 148,2 milyon lari təşkil edib ki, bu da ötən ilin müvafiq dövrü ilə müqayisədə 5,7 faiz çoxdur.

Geostat-ın məlumatına görə, elmi-tədqiqat və inkişaf sahəsində çalışan işçilərin sayı 6,2 faiz artaraq 14 589 nəfərə çatıb ki, onlardan 11 859-u elmi işçilərdir. Tədqiqatçıların 53,4 faizini qadınlar, 46,6 faizini isə kişilər təşkil edir. Elmi işçilərin 67,4 faizinin elmlər doktoru və ya ona bərabər tutulan, 30,3 faizinin magistr dərəcəsi və ya ekvivalenti, 2,2 faizinin isə bakalavr dərəcəsi və ya ekvivalenti var.

Tədqiqatçıların yaşa görə bölgüsünə gəlincə, qadınlarda ən yüksək göstərici 45-54 yaş qrupuna (22,5%), kişilərdə isə 65 və yuxarı yaş qrupuna (31,9%) düşür.

Geostat-ın məlumatına görə, tədqiqatçıların əksəriyyəti sosial elmlər sahəsində çalışır ki, onların ümumi sayı 2769 vahiddir. Ən kiçik hissəsi isə kənd təsərrüfatı və baytarlıq sahəsinə düşür ki, burada 474 nəfər çalışır.