Məcburi köçkünlər əvvəlcədən qeydiyyatdan keçmədən Saçxere Tibb Mərkəzində peyvənd edildilər.

Məcburi Köçkünlər Agentliyinin direktoru Besarion Simonişvilinin sözlərinə əsasən, işğal olunmuş ərazilərdən keçən vətəndaşlar və məcburi köçkünlər üçün xüsusi immunlaşdırma kabineti yaradılıb.

“Məcburi köçkünlərin immunlaşdırma prosesini maksimal şəkildə dəstəkləyirik. Bir tərəfdən məcburi köçkünlərin məskunlaşdığı yerlərə səyyar ambulatoriyalar aparırıq , digər tərəfdən də onların müxtəlif klinikalara çatdırılmasını təmin edirik. Ölkədəki epidemioloji vəziyyət fonunda peyvəndləmə həyati əhəmiyyət kəsb edir. Məcburi köçkünlərimizi peyvənd olunmağa, öz həyatlarını və ətrafdakıların sağlamlığını qorumağa və qayğı göstərməyə çağırıram ”-deyə Besarion Simonişvili bildirib.

Məcburi Köçkünlər Agentliyinin direktoru Besarion Simonişvili, Saçxere, Çiatura və Xaraqaulinin majoritar deputatı Paata Kvijinadze və Səhiyyə Nazirliyinin Tibbi Holdinqinin keyfiyyət istiqaməti üzrə rəhbəri Qvantsa Qasviani, Saçxere Tibb Mərkəzində davam edən peyvəndləmə prosesi ilə tanış olublar.