Sabiq müdafiə naziri Davit Tevzadze Gürcüstan prezidentinin strateji planlaşdırma məsələləri üzrə baş məsləhətçisi vəzifəsinə təyin edilib.

Prezident Administrasiyasının veb saytında da qeyd olunduğu üzrə, Davit Tevzadze 2022-ci il fevralın 21-dən strateji planlaşdırma üzrə baş məsləhətçi vəzifəsinə keçəcək.

Məlumat üçün bildirək ki, Davit Tevzadze 1949-cu ilin yanvarın 30-da Soxumidə anadan olub. O, 1998-2004-cü illərdə   Gürcüstanın müdafiə naziri və Silahlı Qüvvələrin Ali Baş Komandanı, Milli Təhlükəsizlik Şurasının üzvü, 2004-cü ildə Gürcüstanın NATO-dakı səfiri olub. 2004-2005-ci illərdə strateji tədqiqatlar qrupuna rəhbərlik edib. 2004-cü ildən ehtiyata göndərilib. 2017-ci ildən Veteranların İşi üzrə Dövlət Xidmətinin direktorunun müşaviri vəzifəsində çalışır.