Rəcəb Tayyib Ərdoğan: Əhəmiyyətli töhfəyə baxmayaraq, fakt budur ki, bəzi hallarda Avropa təhlükəsizliyində Türkiyə-nin əvəzolunmaz rolu lazımi şəkildə qiymətləndirilmi

Rəcəb Tayyib Ərdoğan Dolmabahçe Sarayında NATO üzv ölkələrinin parlament sədrlərinin şərəfinə təşkil olunan şam yeməyində çıxış edərək bildirib ki, Türkiyənin Avropa təhlükəsizliyinə verdiyi mühüm töhfələrə baxmayaraq, bəzi hallarda Avropa təhlükəsizliyində Türkiyə-nin əvəzolunmaz rolu və ondan əldə edilən fayda lazımi şəkildə qiymətləndirilməyib.

Rəcəb Tayyib Ərdoğan çıxışında Ankarada planlaşdırılan NATO sammitindən də danışıb və bildirib ki, bu toplantı təcrübə mübadiləsi üçün ən güclü platforma olacaq. Onun sözlərinə görə, Haaqa sammitində götürülən öhdəliklərə uyğun olaraq Türkiyə müdafiə xərclərini artırır və NATO missiya və əməliyyatlarına ən böyük beş töhfə verən ölkələrdən biridir.

“Biz alyansın Avropa qanadının inkişafında mühüm rolu olan bir ölkə olaraq, qitədə müdafiə və təhlükəsizliklə bağlı bütün təşəbbüslərdə iştirak etməyə iradəli və istəkləyik. Parlament üzvləri kimi sizdən gözləyirik ki, Türkiyə-nin Avropa İttifaqı tərəfindən irəli sürülən müdafiə və təhlükəsizlik təşəbbüslərinə daxil olunması üçün fəal dəstək göstərəcəksiniz. Dar siyasi maraqlara görə Türkiyə-nin müdafiə imkanlarının nəzərə alınmaması və kənarda saxlanılması heç kimin maraqlarına uyğun deyil və heç kimə fayda vermir. Biz alyans miqyasında təhlükəsizlik və müdafiə üzrə vahid şəbəkə yaratmalıyıq ki, bu, Teksasdan Ankaraya qədər uzansın və heç bir istisna olmasın. Güclü silahlı qüvvələrə, müasir hərbi imkanlara və inkişaf etmiş müdafiə sənayesinə malik Türkiyə 70 ildən artıqdır NATO-nun əsas müttəfiqlərindən biridir və alyansın təhlükəsizliyinə mühüm töhfə verir. Biz NATO missiyalarında fəal iştirak edirik və sülhün, sabitliyin qorunmasına töhfə veririk. Müttəfiqlərlə həm regional böhranların idarə olunması sahəsində unikal təcrübəmizi, həm də NATO çərçivəsində toplanmış uzunmüddətli bilik və bacarığımızı bölüşürük”, – deyə Rəcəb Tayyib Ərdoğan bildirib.