Rusiya bəyan edir ki, Ukrayna Krımı “Atakams” taktiki ballistik raketi ilə vurdu və Rusiyanın bölgələri istiqamətində ən azı 60 pilotsuz uçuş aparatı buraxdı, nəticədə neft emalı zavodu zədələndi. Məlumatı “Reuters” agentliyi yayır.

Rusiyanın Müdafiə Nazirliyinin məlumatına görə, Rusiyanın hava hücumundan müdafiəsi Krım üzərində doqquz Amerikan taktiki ballistik raketi “Atakams”ı, həmçinin, Krasnodar vilayətində 57, Belqorodda isə 3 pilotsuz uçuş aparatını vurdu. Onların məlumatına görə, altı pilotsuz uçuş aparatı Krasnodar vilayətinə, Slavyanska, neft emalı zavodunun ərazisinə düşdü, nəticədə zavod fəaliyyətini dayandırdı.

“Reuters”in yazdığı üzrə, Ukrayna tərəfindən bu hücumla bağlı heç bir məlumat yayılmayıb.