Rusiyanın Lipetsk vilayətində pilotsuz təyyarələrin hücumuna görə təhlükəsizliyi təmin etmək üçün fövqəladə vəziyyət elan edilib. Bu barədə Rusiya mətbuatı yerli hakimiyyət orqanlarına istinadən xəbər verir.

Eyni zamanda, Xutori, Fedorovki, Yakovlevki və Tinkovki yaşayış məntəqələrindən də əhalinin təxliyəsi aparılır.

“Partlayıcı obyektlərin partlaması nəticəsində yaranan fəsadların aradan qaldırılması üçün Lipetsk bələdiyyə dairəsi ərazisində fövqəladə vəziyyət rejimi tətbiq edilib. Əhalinin təhlükəsizliyini təmin etmək üçün əhalinin yaşayış məntəqələrindən çıxarılması qərara alınıb”, – Rusiyanın Lipetsk vilayətinin qubernatoru İqor Artamonov bildirib.

Lakin qubernator daha sonra ictimai nəqliyyatın fəaliyyətini dayandırmaq qərarına gəlib və yerli müəssisələrdən qırmızı həyəcan səviyyəsi qaldırılana qədər işçiləri işə cəlb etməməyi xahiş edib.