Rusiyanın Krasnodar vilayətində Ukraynanın “Kavkaz” limanına hücumu nəticəsində yanacaqla dolu bərə batıb. Bu barədə Krasnodar tərəfinin operativ qərargahı məlumat yayır.

Lakin bundan əvvəl Rusiya fövqəladə hallar xidmətləri mediaya hücum zamanı bərədə 5 nəfərin olduğunu bildiriblər. Onların taleyi məlum deyil.

Yerli hakimiyyətin məlumatına əsasən, dəmiryol bərəsində 30 yanacaq çəni olub. Hücum nəticəsində gəmidə yanğın baş verib, daha sonra o, batıb. Krasnodar tərəfinin operativ qərargahında bildirirlər ki, limanın ərazisində yanğın mənbəyi yoxdur.

“Kavkaz” limanı Kerçi körpüsünün yaxınlığında yerləşir. Bərəyə zərbə nəticəsində körpüdə nəqliyyatın hərəkəti müvəqqəti olaraq məhdudlaşdırılıb.