Rusiyanın Dövlət Duması və Federasiya Şurası Rusiya nümayəndə heyətinin ATƏT-in Parlament Assambleyasının fəaliyyətində iştirakının dayandırılması ilə bağlı birgə bəyanat qəbul edib.

Bununla yanaşı, Rusiya təşkilatın büdcəsinə ödənişləri dayandırır.

Rusiya parlamentinin hər iki palatası ATƏT-in Parlament Assambleyasını “qərəzli ayrı-seçkilik yanaşmalarında, ikili standartlarda, total rusofobiyada” ittiham edir. Bu təşkilat bərabər və bölünməz təhlükəsizliyin təmin edilməsi ilə bağlı aktual məsələlər də daxil olmaqla substantiv mövzu müzakirəsinə hazır deyil”.

Rusiya Federasiya Şurasının sədri Valentina Matviyentko Beynəlxalq Əlaqələr Komitəsinə müvafiq qərar barədə dərhal ATƏT-in Parlament Assambleyasına məlumat verməyi tapşırıb.

Yaranan vəziyyətdə rus qanunvericilər ən son nöqtə kimi  Rumıniyanın Rusiya nümayəndə heyətinin üzvlərinə viza verməkdən imtina etməsini göstərirlər.

ATƏT-in Parlament Assambleyasının illik sessiyasına Buxarest ev sahibliyi edirdi.

Ötən ay Rusiya Federasiya Şurasının beynəlxalq əlaqələr üzrə sədri Qriqori Karasin bildirdi ki, Rumıniya Xarici İşlər Nazirliyi Rusiya nümayəndə heyətinin üzvlərinə ölkəyə girişi qadağan edib.

Rusiyanın Rumıniyadakı səfiri Vladimir Lipayev ATƏT-in Parlament Assambleyasının Buxarestdə keçirilən 31-ci sessiyasını “səs-küylü anti-rus şousu” adlandırıb.

Qeyd etmək lazımdır ki, bundan əvvəl Rusiya nümayəndə heyəti ATƏT-in Parlament Assambleyasının ən azı iki sessiyasında – 2023-cü ildə İrevandaki payız sessiyasında və 2024-cü ildə Viyanadaki qış sessiyasında iştirak etməkdən imtina etdi. Rusiya nümayəndə heyəti 2022 və 2023-cü illərdə Böyük Britaniya və Kanadada keçirilən sessiyalarda vizaların alınması ilə bağlı problemlər səbəbindən iştirak etmirdi.