Fransa Rusiyanın dezinformasiya yaymaq və bütün dünyada seçkilərə təsir göstərmək cəhdləri ilə mübarizə aparmaq üçün Avropa İttifaqına yeni sanksiyalar tətbiq etməyi təklif edir. Bu barədə “Bloomberg” məlumat yayır.

Sanksiyalara hüquqi və fiziki şəxslərin səyahət qadağaları və aktivlərinin dondurulması daxildir. Bu təklif Estoniya, Latviya, Litva, Niderland və Polşa tərəfindən dəstəklənir.

“Bloomberg”in məlumatına əsasən, Rusiya ilə əlaqəli aktyorların sabitliyi pozmaq cəhdləri bütün Avropada artıb, çünki Rusiya müxtəlif hibrid alətlər vasitəsilə demokratiya, sabitlik və qanunun aliliyini pozmaq üçün tədbirlər görüb.

Yeni sanksiyalar seçkilərə müdaxilə etməklə, qanunun aliliyinə xələl gətirməklə və zorakılıq aktlarını təşviq etməklə Avropa İttifaqı üzv dövlətlərinin və ya üçüncü ölkələrin sabitliyini, təhlükəsizliyini və ya suverenliyini təhdid edənləri hədəf alacaq.