Rumıniya Ukrayna, Moldova və Gürcüstanın Avropaya inteqrasiyasını qətiyyətlə dəstəkləyir, – bu barədə Rumıniya prezidenti, Klaus Yohanis Konstansada Fransa prezidenti, Emmanuel Makronla birgə mətbuat konfransında bəyan etdi.

“Ukrayna, Moldova Respublikası və Gürcüstanın Avropa İttifaqına daxil olması ilə bağlı bəyanatlarına gəldikdə, biz bu ölkələrin Avropaya inteqrasiyasını qətiyyətlə dəstəklədiyimizi xüsusilə qeyd edirik. Rumıniya baxımından, bu üç aspirant ölkələri öz üstünlüklərinə və islahat prosesində əldə edilmiş irəliləyişlərə uyğun olaraq, islahat prosesi üçün optimal strukturdan və vahid yanaşmadan faydalanmalıdırlar”, – Yohanis bəyan etdi.

Klaus Yohannesin sözlərinə görə, Rumıniya hesab edir ki, üç ölkəyə namizəd statusunun verilməsi mümkün qədər tez həyata keçirilməlidir. Rumıniya prezidenti bunu mənəvi, iqtisadi və təhlükəsizlik baxımından qəbul edilmiş qərar hesab edir.

“Məsələ dəfələrlə müzakirə olunub və bu ayın sonuna kimi qərarımızın olacağı gözlənilir. Mən özüm və Rumıniya adından danışa bilərəm; fikrimcə, namizəd statusunun verilməsi mümkün qədər tez baş verməlidir”, – Rumıniya prezidenti bəyan etdi.