Ölkə rəhbərliyinə nə ölkə daxilində, nə də xaricdə inam olmayanda, atılan istənilən addım, hətta yaxşı addım belə böyük qorxu və şübhə ilə qarşılanır, bu müqavilənin mətnində problem yoxdur, əksinə yaxşı haldır- bu barədə parlamentin müxalifətdən olan deputatı Roman Qotsiridze açıqlayıb.

O, Çinlə ticarət-iqtisadi əlaqələrin dərinləşdirilməsinin yaxşı hal olduğunu bildirib.

“Yeri gəlmişkən, bəyanatın mətninin heç bir yerində strateji tərəfdaşlıqdan bəhs edilmir, mətndə “strateji qarşılıqlı anlaşma” yazılıb, strateji tərəfdaşlıq yalnız başlığa çıxarılıb. Ümumiyyətlə, strateji tərəfdaşlıq məzmununa Çin çox fərqli məzmunlar qoyur və ABŞ-ın qoyduğu ilə eyni deyil. Aİ-nin demək olar ki, iki ölkəsindən biri Çinlə oxşar saziş imzalayıb, o cümlədən Ukrayna da. Bu səbəbdən Çinlə ticari-iqtisadi əlaqələrin dərinləşdirilməsi yaxşıdır, lakin bu halda Qərb strateji tərəfdaş ölkələrimizlə ortaq maraqlara uyğun sərmayələr qoymaqda diqqətli olmalıyıq, məsələn, Anaklia layihəsini götürək və s. Beləliklə bu məsələlərə ehtiyatla yanaşmaq lazımdır, lakin Çinlə iqtisadi əlaqələrin dərinləşdirilməsi birmənalı olaraq yaxşıdır. Bu məsələni xüsusi konspirasiya nəzəriyyəsi ilə müzakirə etmək düzgün deyil” -deyə Qotsiridze açıqlayıb.