Gürcüstanın seçdiyi yol alqışlanasıdır. Avropa Parlamenti Gürcüstanın perspektivi ilə bağlı həmişə qəti olub və qətidir -bu barədə Avropa Parlamentinin sədri Roberta Metsola açıqlayıb.

O, Avropaya öz evi kimi baxan bütün ölkələr üçün qapının geniş açıq olmalı olduğunu bildirib.

“İlk növbədə, Gürcüstanın seçdiyi yol alqışlanasıdır. Avropa Parlamenti ölkənizin perspektivi ilə bağlı həmişə qəti olub və qətidir.
Tövsiyələrə əməl etdiyinizə əmin olmaq üçün hakimiyyət rəsmilərinizlə danışmağa davam edirəm. Fikrimcə, Avropaya öz evi kimi baxan bütün ölkələr üçün qapılar geniş açıq olmalıdır. Gürcüstana yönəlik də mövqeyim belədir” – deyə Roberta Metsola gürcü jurnalistlərlə söhbəti zamanı bildirib.

Məlumat üçün bildirək ki, Gürcüstan parlamentinin nümayəndə heyəti Strasburqdadır və avropalı parlamentarilər ilə görüşlər keçirir.