Demokratik Təsisatlar və İnsan Haqları Bürosunun Litvada prezident seçkilərinin monitorinqini həyata keçirməməsinin səbəbi Litvanın Belarus və Rusiya nümayəndələrinin müşahidəçilər sırasında olmasından imtina etməsidir-bu haqda “Azadlıq” radiosunun Avropa bürosunun redaktoru Rikard İozviak ATƏT-in aprelin 23-də yaydığı bəyanatla bağlı sosial şəbəkələrdə yazır.

“DTİHB” Moskva və Minskin tərəfini tutdu” – Rikard İozviak yazır.

ATƏT-in bəyanatında oxuyuruq: “Litvada qarşıdan gələn seçkiləri müşahidə etmək mümkün olmayacaq, çünki ATƏT-in Demokratik Təsisatlar və İnsan Haqları Bürosunun Ofisinə göndərilən dəvətdə ATƏT-in müəyyən üzv ölkələrinin vətəndaşlarının seçkidən kənarda qalması şərti var, bu da ATƏT-ə üzv bütün ölkələrin üzərinə götürdüyü öhdəliklərin pozulmasıdır”.