Rəqəmsal İdarəetmə Agentliyinin sədri vəzifəsinə Sandro Tsirekidze təyin edilib
Ədliyyə nazirinin qərarı ilə Rəqəmsal İdarəetmə Agentliyinin sədri vəzifəsinə Sandro Tsirekidze təyin edilib. O, bundan əvvəl agentlik sədrinin birinci müavini vəzifəsində çalışırdı.
Ədliyyə Nazirliyinin məlumatına görə, Sandro Tsirekidze informasiya texnologiyaları sahəsində 15 illik iş təcrübəsinə malikdir.
“Müxtəlif dövrlərdə o, iri və mürəkkəb texnoloji layihələrin planlaşdırılması və həyata keçirilməsinə, həmçinin müasir mühəndislik və rəqəmsal həllərin tətbiqi proseslərinə uğurla rəhbərlik edib. O, informasiya texnologiyalarının idarə olunması və menecmenti üzrə magistr dərəcəsinə malikdir.
Dövlət sektorunda fəaliyyətə başlamazdan əvvəl özəl sektorda aparıcı idarəetmə vəzifələrində çalışıb və innovativ texnoloji yanaşmaların, eləcə də yüksək səmərəliliyə malik həllərin tətbiqinə cavabdeh olub.
Yeni vəzifəsində Sandro Tsirekidze-nin əsas prioritetlərindən biri rəqəmsal idarəetmə prosesinin inkişaf etdirilməsi, vətəndaşyönümlü, müasir və təhlükəsiz rəqəmsal ekosistemin qurulması, dövlət xidmətlərinin daha da transformasiyası və innovasiyaların təşviqi olacaq”, – deyə Ədliyyə Nazirliyinin yaydığı məlumatda bildirilir.