Ədliyyə naziri yeni ili Müşayiət və Xüsusi Tədbirlər Baş İdarəsinin bazasında qarşılayıb. Nazirliyin mətbuat xidmətinin yaydığı məlumata əsasən, Rati Breqadze ənənəvi olaraq 2024-cü ilin gəlişini ailə üzvlərindən uzaq, iş şəraitində, bayramı qeyd edən əməkdaşlarla birgə qeyd edib.

“2024-cü ilin ilk günündə nazir Xüsusi Penitensiar Xidmətin rəhbərləri ilə birgə Müşayiət və Xüsusi Tədbirlər Baş İdarəsinin bazasında ən yeni idman kompleksinin açılışını edib. Kompleks futbol meydançası, basketbol meydançası və məşq meydançasından ibarətdir.

Nazir, həmçinin 8 saylı cəzaçəkmə müəssisəsinin əməkdaşlarını yeni ilin gəlişi münasibətilə təbrik edib, onlara fəaliyyətinə görə təşəkkür edib. Rati Breqadze qeyd edib ki, 2023-cü il maraqlı çağırışların öhdəsindən gəlmək və müsbət nəticələr ili olub, 2024-cü il isə ölkə və onun xidmətində olan hər bir şəxs üçün infrastrukturun yenilənməsi və daha da böyük uğurlar ili olacaq. Nazir, yeni ildən yeni enerji və artan motivasiya ilə daha da böyük işlər görməyin mümkün olacağına inamını bildirib” – deyə Ədliyyə Nazirliyinin mətbuat xidmətinin yaydığı məlumatda deyilir.