Biz notariat xidmətlərinin əlçatanlığını artırmaqda davam edirik, – ədliyyə naziri Rati Breqadze parlamentdə “Nazir saatı” formatında çıxışı zamanı bildirib.

“Biz notariat xidmətlərinin mümkün qədər inkişaf etdirilməsini istəyirik. Məhz bu səbəbdən biz tədqiqat mərkəzi yaradırıq, o, notariat xidmətləri ilə bağlı aktual məsələlərin və ümumiyyətlə, dövlət sistemində notariusun yerinin araşdırılması ilə məşğul olacaq”, – deyə Rati Breqadze bildirib.

2023-cü ildə notariat xidmətlərinin daha çox əlçatan olması üçün Kareli və Batumidə əlavə bürolar açıldı və bəzi şəhərlərdə bir neçə notarius eyni vaxtda notariat xidmətləri göstərir.

Rati Breqadzenin çıxışının mətnini Ədliyyə Nazirliyi yayıb.