Rasa Jukneviçiene — Elena Xoştariyanın müalicəsiz qalması geri dönməz zərər riski yaradır, Elenəni azad edin

Avropa Parlamentinin deputatı Rasa Jukneviçiene sosial şəbəkədə Elena Xoştariyaya dair paylaşım edib.

Jukneviçiene yazır ki, 10 aylıq həbsdən sonra Elena Xoştariyanın müalicəsiz qalması geri dönməz zərər riski yaradır və onun azad edilməsinə çağırır.

“10 aylıq qanunsuz həbsdən sonra Elena Xoştariya müalicəsiz qalarsa, ona geri dönməz zərər dəyə bilər. Avropa Parlamenti onun vəziyyətinin pisləşdiyini və ixtisaslaşmış tibbi baxıma ehtiyac olduğunu tanıyıb. Gürcüstan hakimiyyəti müalicə planının tələblərinə məhəl qoymur. Bu siyasi təqibdir. Elenəni azad edin”, — deyə Rasa Jukneviçiene bildirib.

Vəkil Şota Tutberidzenin məlumatına görə, “Dəyişikliklər Koalisiyası”nın liderlərindən biri olan Elena Xoştariyanın səhhəti pisləşib.

Eyni zamanda Xüsusi Penitensiar Xidmət bildirib ki, məhkumun səhhətində hər hansı pisləşmə qeydə alınmayıb və o, bütün zəruri tibbi xidmətlərlə təmin olunur. Qurumun açıqlamasına görə, vəkilin müraciəti ilə bağlı müvafiq reaksiya verilib və ona məhkumun sağlamlıq vəziyyəti barədə məlumat dərhal təqdim olunub.