Radosław Sikorski bildirib ki, Rusiyanın hazırda NATO-ya qarşı genişmiqyaslı hücuma başlamaq imkanı yoxdur, lakin diversiya və təxribatlar həyata keçirə bilər və alyans buna hazır olmalıdır.

Sikorskinin sözlərinə görə, Rusiya Polşa üçün təhlükə olaraq qalır və bu, ciddi qəbul edilməlidir.

“Hazırda Rusiyanın NATO-ya qarşı genişmiqyaslı hücuma başlamaq imkanı yoxdur. Əgər onlar buna hazırlaşsaydılar, biz bunu görərdik — bizim peyk kəşfiyyatımız var. Biz Ukrayna ətrafında aylarla artan 100 min hərbçinin səfərbər edildiyini gördük”, — deyə Sikorski bildirib.

Bununla yanaşı, Sikorski vurğulayıb ki, Rusiya prezidenti Vladimir Putinin niyyətləri Qərbi Avropanın gözlədiyindən daha ciddidir.

“Rusiya diversiya və ya təxribat xarakterli addımlar ata bilər, bu isə tammiqyaslı işğal demək deyil. NATO da bu cür hərəkətlərə hazır olmalıdır”, — deyə Sikorski qeyd edib.