Rusiya tərəfindən müvəqqəti işğal olunmuş Abxaziya ərazisindən hərbi məqsədlər üçün istifadə etmək cəhdi var, bu, qəbuledilməzdir və biz bunu qınayırıq, – parlament çoxluğunun üzvü Qivi Mikanadze işğalı altında olan Abxaziyada, Ochamchiredə hərbi – dəniz qüvvələrinin bazalarının yeni daimi məntəqəsinin yaradılması barədə danışarkən deyib.

Mikanadzenin Gürcüstanın Birinci Kanalına verdiyi məlumata əsasən, onlar NATO Baş Assambleyasının platformasından tərəfdaşların diqqətini qeyd olunan məsələyə cəlb etmək üçün istifadə edəcəklər.

“Gürcüstan NATO-nun dəyərli və etibarlı tərəfdaşıdır və bu illər ərzində sübuta yetirilib. Cəmiyyətimizin və NATO-ya üzv dövlətlərin, Qərb tərəfdaşlarımızın bütün formatlar kontekstində vurğuladıqları NATO ilə çox yüksək fəal əməkdaşlıq standartına sahibik. Biz həmişə demişik ki, Qara dənizin təhlükəsizliyi qlobal nöqteyi-nəzərdən vacibdir, xüsusən də Rusiyanın Ukrayna ərazisində il yarımdan artıqdır ki, davam edən təcavüzü və burada Qara Dəniz xüsusi əhəmiyyət kəsb edir. Həmçinin Qara dənizdə NATO-ya üzv olan üç ölkəmiz var – Türkiyə, Rumıniya, Bolqarıstan və indi görürük ki, Rusiyanın müvəqqəti işğal etdiyi Abxaziya ərazisindən hərbi məqsədlər üçün istifadə etmək cəhdi var, bu, qəbuledilməzdir və biz bunu qınayırıq. Bu platforma həm də tərəfdaşlarımızın diqqətini mümkün qədər bu məsələyə yönəltmək üçün istifadə olunacaq. Həmçinin diqqəti ona yönəltmək lazımdır ki, bu, təkcə Gürcüstanın problemi deyil, qlobal problemdir, xüsusilə regionun üzləşdiyi problemlər və ümumiyyətlə dünyada təhlükəsizlik baxımından hazırkı təcavüz fonunda. Əminik ki, Gürcüstanın təhlükəsizliyinin artırılması baxımından daha çox dəstək, tərəfdaşlıq, əməkdaşlıq olacaq. Bu görüş, bu platforma bizə həm Parlament Assambleyası kontekstində, həm də ikitərəfli formatlar baxımından daha çox addımlar atmağa imkan verəcək”, – deyə Mikanadze bildirib.

İşğal olunmuş Abxaziyanın faktiki prezidenti Aslan Bjaniya Rusiyanın “İzvestiya” nəşrinə müsahibəsində bildirib ki, Rusiya işğal olunmuş Abxaziyada Qara dəniz sahillərində yeni daimi hərbi və dəniz bazaları məntəqəsi yaratmağı planlaşdırır.

Bununla bağlı Gürcüstan Xarici İşlər Nazirliyi bəyanat yayıb və orada deyilir: “Biz işğal olunmuş ərazilərdə əlavə Rusiya bazasının yerləşdirilməsi və Abxaziya regionunun Rusiya tərəfindən başlanmış inteqrasiya proseslərinə daxil edilməsi ilə bağlı bəyanatlardan narahat olduğumuzu bildiririk.