Mişanın prosesə gələcəyindən, burada olacağında əmin idim. Mən gəldim, bu qədər insan gəldi, o yoxdur, heç nə bilmirəm – bu barədə Mixeil Saakaşvilinin anası Qiuli Alasania sabiq prezidentin məhkəmə prosesinin davam etdiyi şəhər məhkəməsində açıqlayıb.

Alasania Mixeil Saakaşvilinin məhkəmədə niyə iştirak etmədiyi barədə məlumatının olmadığını bildirib.

“Onu tez görmək, danışmaq ən böyük istəyimdir, heç bir məlumatım yoxdur, min şey fikirləşirəm. Bəlkə də qəfildən yenidən halı pisləşib. Səhər ona sistem qoyulduğunu gördüm, zəif idi, hətta soruşdum ki, necəsən, zəif olduğunu söylədi. Oğlumu görmədən, nə baş verdiyini öyrənənə qədər heç nə bilmirəm, sadəcə narahatam” – deyə Alasania bildirib.

Bu gün Mixeil Saakaşvilinin vəkilləri sabiq prezidentin sərhədin keçilməsi məsələsi üzər Şəhər Məhkəməsində prosesdə iştirak edə biləcəyi ilə bağlı məlumat yaydılar, lakin Mixeil Saakaşvilini məhkəmə iclasına aparmayıblar.