Qiorqi Vaşadze – tibb işçiləri ən ağır vəziyyətdədir, əgər həkimə qiymət verilmirsə, təmin olunmursa, sistem nasaz olduğundan pasiyentlərin səhhətində problemlər yaranır

Əgər həkimə qiymət verilmirsə və təmin olunmursa, pasiyentlər və insanlar sağlamlıq problemləri ilə üzləşirlər, çünki sistem daimi nasazla işləyir”, – bu barədə “Qələbə Koalisiyasının” liderlərindən biri, “Quruculuq Strategiyası”nın sədri Qiorqi Vaşadze tibb sahəsinin nümayəndələri ilə görüşü zamanı bildirib.

Vaşadzenin sözlərinə görə, səhiyyə sahəsinə milyardlarla pul xərclənir, lakin bu, tibb işçilərinə şamil olunmur, çünki ölkədə monopoliya var.

“Tibb işçiləri, həkimlər, tibb bacıları, sanitar işçilər ən pis vəziyyətdədir. Maaşlar çox aşağıdır, bu bölgədə ən aşağı maaşlardan biridir. Milyardlar xərclənir, həkimlərə çatmır. Həkimə dəyər verilməsə və təmin olunmasa, sistem davamlı olaraq nasaz olduğundan pasiyentlər, insanlar sağlamlıq problemləri ilə üzləşirlər.

Mən yenə İvanişvilinin partiyasının nümayəndələrindən soruşmaq istəyirəm ki, siz tibb sahəsinə milyardlar xərcləyirsinizsə, 200-300 lari maaş alan həkimlərin, tibb bacılarının, sanitar işçilərinin vəziyyəti niyə yaxşılaşmır?Vəziyyət ağırdır, niyə onlara heç nə, sizə isə hər şey? Çünki bu sektorda da monopoliya var, monopoliya nümayəndələrinin cibləri dolur, həkimlər, tibb bacıları, sanitar işçilər isə yenə diqqətdən kənarda qalaraq sadəcə olaraq insanların sağlam olmasını və həmvətənlərimizin qayğısına qalmasını istədikləri üçün qəpik-quruşlar üçün işləməli olurlar”, – deyə Vaşadze bildirib.