Bu gün gürcü xalqı öz sözünü dedi. Gürcü xalqı dedi ki, bizim seçimimiz Avropaya inteqrasiyadır. Biz təcriddən imtina etdik və bu qələbəni bu axşam bütün seçki məntəqələrində mütləq möhkəmləndirəcəyik. – Bu barədə “Birlik-Milli Hərəkat”ın lideri Qiorqi Vaşadze ekzitpolun nəticələri dərc olunandan sonra açıqlama verib.

Onun müxalif həmkarı Vaşadze partiyaları qələbə münasibətilə təbrik edir və koalisiya hökumətinin Gürcüstanı Avropa Birliyinə daxil edəcəyini deyir.

“Qələbə münasibətilə təbrik edirəm, bu qələbə bizimdir, bu qələbə sizin, bütün Gürcüstanındır. Bu qələbə Gürcüstanın tarixinin böyük bir hissəsidir. Bu gün gürcü xalqı öz sözünü dedi. Gürcü xalqı dedi ki, bizim seçimimiz Avropaya inteqrasiyadır. Biz təcriddən imtina etdik və bu qələbəni bu axşam bütün seçki məntəqələrində mütləq möhkəmləndirəcəyik. Müxalifət partiyalarında olan həmkarlarımızı baryeri keçən hər kəsi təbrik etmək istəyirəm. Onlarla birlikdə Gürcüstanı ən qısa zamanda Avropa Birliyinə daxil edəcək koalisiya hökuməti quracağıq. Biz hamımız ölkəmizdə ləyaqətlə yaşayacağıq. Gürcüstan tezliklə Avropa Birliyinə üzv olacaq. Mən hələ də məntəqələrdə olan böyük insan ordusuna müraciət etmək istəyirəm, indi bütün səsləri qorumaq ən vacibdir, qaynar xətt işləyir, proqramlar işləyir. Biz hamımız necə hərəkət etməyi bilirik ki, bütün səslər tamamilə qorunsun. Üstünlük o qədər böyükdür ki, “Gürcü arzusu” heç nə edə bilməyəcək. Düşünürəm ki, immiqrant və məntəqə səsləri əlavə edildikdən sonra “Gürcü arzusu” 40%-dən aşağı düşəcək. Təbrik edirəm, Avropaya doğru,” – Vaşadze bildirib.