Düşünürəm ki, biz hamımız “Milli Hərəkatın” vəziyyətini görürük, bu, gizlədilmir, aşkar vəziyyətdədir”, – “Gürcü arzusu” fraksiyasının sədr müavini Qia Tsaqareişvili bildirib.

Qiorqi Tsaqareişvili “Milli Hərəkat” nümayəndələri Qiorqi Vaşadze, Petre Tsiskarişvili və Qiorqi Çaladzenin Londona, Davit Kezeraşvilinin yanına səfərini dəyərləndirib.

Biz hamımız “Milli Hərəkatın” vəziyyətini görürük, bu, gizlədilmir, aşkar vəziyyətdədir. Partiya başgicəlləndirici sürətlə dağılır və bütün bunlar qarşıdan gələn seçkilər öncəsi baş verir ki, bu da “Milli Hərəkat”ın və onun siyasi liderlərinin vəziyyətini daha da pisləşdirir. Düşünürəm ki, buna görə də onların baş sponsoru bu insanları öz yanına çağırıb. Onlardan hesab alacaq, əminəm ki, bu cənabların Londonda öz bosslarına aparacaqları vəziyyət onu qane etməyəcək. Bu hadisələr sözdə Partiyada kaleydoskopik sürətlə inkişaf edir, məncə, bu, onların öz ölkəsində və xaricdə iki onillikdə gördükləri işlərin məntiqi sonluğudur. Ümumiyyətlə, deyirlər ki, nə əksən, onu biçərsən, onlar şər əkdilər, axırda da şər əldə etdilər. Bir vaxtlar kiminsə partiya adlandırdığı bu quldurlar birliyi bu formada, əzab içində parçalansa, həqiqətən də üzülməzdim. Əminəm ki, “Milli Hərəkat” nə qədər tez dağılacaqsa, müxalifət spektrinin qalan hissəsi Saakaşvili və onun quldurlarının bütün Gürcüstan müxalifətinə qoyduğu məhdudiyyətlərdən bir o qədər tez xilas olacaq”, – deyə Tsaqareişvili bildirib.