“Vahid Milli Hərəkat” partiyasının sədrliyinə namizəd Qiorqi Mumladze seçki kampaniyasını davam etdirəcəyini bildirib.

Qiorqi Mumladzenin “Milli Hərəkat”ın ofisində keçirdiyi brifinqdə açıqladığı üzrə, bir neçə günlük fasilədən sonra Gürcüstan miqyasında seçkilərə hazırlıq aktiv rejimdə davam etdiriləcək.

Mumladze Alika Kupravanın qərargahın rəhbəri, Qiorqi Kapanadzenin isə regional rəhbər olacağını bildirib. O, kampaniya çərçivəsində regionlara çıxışın planlaşdırıldığını bildirib.

“Bir neçə gün bundan əvvəl seçki kampaniyamızın aparılması ilə bağlı müəyyən müddətə time-out götürdüyümüzü bildirmişdik, çünki bu, Mixeil Saakaşvilinin səhhəti, nəyin olacağı və etirazın hansı formada davam edəcəyi ilə bağlı ümumi qərarın qəbul edilməsini tələb edən məsələlərlə bağlı idi. Biz seçki kampaniyasını başladığımız rejimdə davam etdiririk və bunun üçün effektiv işləməyə ehtiyac duyuruq. Qərargahın rəhbəri Alika Kuprava, regional rəhbəri isə Qiorqi Kapanadze olacaq. Bu iki insan qərargahın fəaliyyətini koordinasiya edəcək, Saakaşvilinin azadlığa buraxılması və həmrəylik məsələsinə gəlincə, biz təbii ki, bu partiyanın ətrafında toplaşan bütün siyasi qruplarla həmrəylik və birlik içində olacağıq. Hər kəslə əməkdaşlıq edəcəyik, çünki bu partiyanın əsas məqsədi Mixeil Saakaşvilinin azad və xilas edilməsidir”-deyə Qiorqi Mumladze açıqlayıb.