Mərkəzi Seçki Komissiyasının sədri Qiorqi Kalandarişvilinin sözlərinə görə, Bağdati şəhərinin 23-cü seçki məntəqəsində seçicilərdən biri bir neçə yoxlama aparatını zədələyib və bu maşınlardan istifadə etməklə seçki prosesini davam etdirmək mümkün olmayıb.

Bununla belə, MSK sədrinin qeyd etdiyi kimi, Seçki Komissiyası digər maşınlardan istifadə etməklə səsvermənin rahat davam etdirilməsini təmin edib.

“Mən Bağdati şəhərinin 23-cü seçki məntəqəsində müəyyən psixo-emosional vəziyyətdə olan seçici ilə bağlı baş vermiş hadisəyə cavab vermək istərdim. O, məntəqədəki bir neçə yoxlama aparatını elə zədələyib ki, bu aparatlar vasitəsilə prosesi davam etdirmək mümkün olmayıb. Komissiya müvafiq risklərin idarə olunmasını nəzərə alaraq, digər aparatlardan istifadə etməklə məntəqədə səsvermənin fasiləsiz davam etdirilməsini təmin edib.“ –  Qiorqi Kalandarişvili bildirib.