Müxalifətin bir sıra məsələlərə münasibətdə yanaşması qeyri-ciddidir və özlərini komik vəziyyətə salmaları bunun əks-sədası idi; Bir gün növbədənkənar iclas çağırdılar, ertəsi gün müvafiq kvorum olmadığını aşkarladılar -bu barədə Gürcüstanın Birinci Kanalına parlament çoxluğunun üzvü Qiorqi Kaxiani açıqlayıb.

“Ümumilikdə, bütün bunlar onların simasını göstərir. Məhkəməni gözdən salmaq üçün müvəqqəti istintaq komissiyasının yaradılması qətiyyən yolverilməzdir. Komissiya yaratmaq istəyirlərsə, konkret sübutlar təqdim etməlidirlər. Biz korrupsiya halları ilə bağlı belə bir şey eşitməmişik”- deyə Kaxiani açıqlayır.

Dünən, aprelin 10-da müxalifət parlamentin növbədənkənar iclasının çağırılması ilə bağlı prezidentə müraciət edib.

Daha sonra “Milli Hərəkat”ın sədri Levan Xabeişvili sosial şəbəkədə Polşadan Ana Tsitlidze, Qiuli Alasania, Qiorqi Chaladze və Avropa Parlamentinin Polşadan olan üzvü Ana Fotiqanın da olduğu şəkil dərc edib.

Sözügedən faktdan sonra müxalifət nümayəndələri yenidən brifinq keçirərək Ana Tsitlidze və Levan Xabeişvilinin ölkəni tərk etmələri ilə əlaqədar onların xahiş etdikləri növbədənkənar iclasın təyin edilməməsi xahişi ilə prezidentə müraciət ediblər.