“Gürcü Arzusu”nun deputatı Qiorqi Çakvetadze müxalifətin Yunanıstanda keçirilən görüş formatında Gürcüstanın da iştirak etməsi gərəkdiyi ilə bağlı iddiasının ciddi olmadığını və ictimaiyyəti səhvə sürükləmək məqsədi daşıdığını bildirib.

Qiorqi Çakvetadzenin sosial şəbəkədə yazdığı kimi, bu görüşə Ukrayna və Moldova da qatılıb, hərçənd əsas müzakirə mövzusu Balkan regionunda mövcud vəziyyət olub.

“Yunanıstan 9 Balkan liderinin görüşünə ev sahibliyi etdi. Qeyri-rəsmi şam yeməyi Aİ-Qərbi Balkanların birgə sammitinin 20-ci ildönümünə həsr olunub. Bu görüşdə Ukrayna və Moldova da iştirak edib, lakin əsas müzakirə mövzusu Balkan regionunda mövcud vəziyyət olub.

Müxalifətin Gürcüstanın bu formatda iştirak etməsi gərəkdiyi ilə bağlı iddiası ciddi deyil və ictimaiyyəti səhvə sürükləmək məqsədi daşıyır.

Bu tip məlumat yaymaq əvəzinə yaxşı olar ki, məsuliyyət daşıyan və bacaranlar 12 bəndin yerinə yetirilməsi prosesində iştirak etsinlər”-deyə Qiorqi Çakvetadze yazır.