Qiorqi Aladaşvili Kaxetinin qubernatoru vəzifəsinə təyin edilib.

Gürcüstanın Hökumət Administrasiyası tərəfindən verilən məlumatda, baş nazirin bu gün yeni qubernatorla görüş keçirdiyi deyilir. İdarədən görüşdə bölgədə həyata keçirilən və həyata keçirilməsi planlaşdırılan layihələrin müzakirə olunduğu bildirilir.

“Kaxeti bölgəsinin yeni qubernatoru ixtisasca hüquqşünasdır. Harvard Universitetində akademik maqistr dərəcəsi alıb. Qiorqi Aladaşvili Gürcüstanın Daxili İşlər Nazirliyi və Dövlət Təhlükəsizlik Xidmətində müxtəlif yüksək vəzifələrdə çalışıb.

Hökumət başçısı Kaxetinin keçmiş qubernatoru İrakli Şioşviliyə fəaliyyətinə görə təşəkkür edib və yeni qubernatora uğurlar arzulayıb. Hökumət Administrasiyasında keçirilən görüşdə Hökumət Administrasiyasının Regionlarla Əlaqələr Şöbəsinin rəhbəri Leri Barnabişvili və Kaxetinin keçmiş qubernatoru İrakli Şioşvili iştirak edib” – deyə məlumatda qeyd olunur.