Gürcüstan Prokurorluğu 9 nəfərə qarşı qrup zorakılığının təşkili və yönləndirilməsi, həmçinin qrup zorakılığında iştirak və partlayış hazırlamaqda ittiham edib. Məlumatı istintaq orqanı yayıb.

“Daxili İşlər Nazirliyi tərəfindən aparılan araşdırma zamanı müəyyən edilib ki, Tbilisinin Rustaveli prospektində keçirilən aksiya zamanı təqsirləndirilən şəxslər qrup şəklində zorakılıq təşkil edib və iştirak ediblər, nəticədə çoxlu sayda insan sağlamlığına ziyan vurub. Həm fiziki, həm də hüquqi şəxslərin əmlakına ziyan dəyib, Tbilisi meriyasının balansında olan infrastruktura ziyan dəyib.

Saxlanılan şəxslərə qarşı Gürcüstan Cinayət Məcəlləsinin 9 ilədək azadlıqdan məhrumetməni nəzərdə tutan 225 və 18,229-cu maddələri ilə ittiham irəli sürülüb.

Prokurorluq qanunla müəyyən edilmiş müddətdə təqsirləndirilən şəxslər barəsində həbs-qətimkan tədbirinin seçilməsi barədə vəsatətlə məhkəməyə müraciət edir.

Daxili İşlər Nazirliyində başlanmış cinayət işi üzrə istintaq davam etdirilir”. – Bu barədə Gürcüstan Prokurorluğunun məlumatında deyilir.