Andlılar məhkəməsi heyəti Kutaisi Şəhər Məhkəməsində qisas məqsədli törədilmiş qətl işini müzakirə edib. Gürcüstan Prokurorluğunun məlumatına əsasən, təqsirləndirilən şəxs odlu silahdan atəş açaraq zərərçəkmişi öldürüb, daha sonra avtomobil qəzası səhnələşdirib, cinayətin izini ört-basdır etmək üçün qurbana və avtomobilə od vurub.

“Məhkəmə prosesində təqsirləndirilən şəxsin 2022-ci ilin yazında zərərçəkmişdən borc pul götürdüyü, aylarla qaytarmadığı müəyyən edilib. Zərərçəkmiş borcun ödənilməsini tələb edib, təqsirləndirilən şəxs isə müxtəlif səbəblərdən pulu qaytarmaqdan imtina edib. Bu səbəbdən dəfələrlə aralarında sözlü və fiziki münaqişə yaşanıb.

2022-ci ilin avqustun 15-də təqsirləndirilən şəxs keçmiş münaqişəyə görə qisas almaq qərarına gəlib. O, zərərçəkmişlə görüşə razılaşıb. Müəyyən olunmuş görüş yerinə çatanda isə öz tərəfinə güllə atıb. Daha sonra zərərçəkmişi avtomobillə meşəyə aparıb, orada avtomobil qəzasını səhnələşdirib, cinayətin izini ört-basdır etmək üçün onun meyitinə və avtomobilə od vurub.

Prosesdə prokurorlar 40 şahid təqdim edərək, bütün maddi sübutları, o cümlədən müttəhimin yaşayış evindən götürülmüş qətldə istifadə olunan sursatla eyni olan daraqları tədqiq ediblər.

Məhkəmə prosesində müdafiə tərəfi təqsirləndirilən şəxsin özünümüdafiə məqsədilə atəş açması versiyasını inkişaf etdirib. Bu mövqe təqsirləndirilən şəxsin cinayəti planlaşdırdığına və hadisə yerində silahlı pusqu qurduğuna dair sübutlarla ziddiyyət təşkil edirdi.

Andlılar məhkəməsi heyəti işin şəraitini ətraflı araşdırdıqdan sonra təqdim olunan bütün ittihamlarda, xüsusən də qəsdən adam öldürmə (Cinayət Məcəlləsinin 108-ci maddəsi), qanunsuz olaraq odlu silah və döyüş sursatı əldə etmə və saxlama (CM-nin 236-cı maddəsinin üçüncü və dördüncü hissələri), habelə nəqliyyat vasitəsini qəsdən məhv etmə (CM-nin 187-ci maddəsi) ittihamları üzrə prokurorluğun mövqeyi ilə razılaşıb və onu yekdilliklə təqsirli bilib.

Məhkəmə təqsirləndirilən şəxsə maksimum cəza, 15 il müddətinə azadlıqdan məhrum etmə cəzası təyin edib” -deyə prokurorluğun məlumatında qeyd edilir.