Potidə fırtına sahil xəttinə və dəniz infrastrukturunun bir hissəsinə ziyan vurub.
Güclü dalğa səbəbindən sahilin bir neçə hissəsinə döşənmiş daş hissələr yerindən qopub. Fırtına yolun hərəkət hissəsinin bünövrəsini aparıb, bitişik əraziyə ziyan dəyib.

Dövlət nümayəndəsinin sözlərinə görə, artıq İnfrastruktur Nazirliyi ilə birlikdə sahil xəttinin sahil mühafizə sisteminin layihələndirilməsi, daha sonra isə işlərin görülməsi istiqamətində işlərə başlanılıb.

Poti şəhərinin meri Beka Vacharadze Sameqrelo-Zemo Svaneti bölgəsi üzrə dövlət nümayəndəsi Qiorqi Ququchia və onun müavinləri ilə birlikdə vəziyyətlə yerindəcə tanış olub.

“Güclü fırtına nəticəsində Kundzuli küçəsinin sahil xəttinə xeyli ziyan dəyir. Əslində qoruyucu divar artıq öz müdafiə funksiyasını yerinə yetirə bilmir. Qoruyucu divarın qarşısındakı yamac da davamlı olaraq yuyulur, dərinlik azalır, nəticədə dalğa sahilə daha güclü zərbə vurur və mövcud infrastruktura ziyan vurur, bu səbəbdən biz Kundzuli küçəsində bərpa işlərini dayandırmağa, müqaviləni ləğv etməyə məcbur qaldıq. Hazırda qubernator və müvafiq mütəxəssislərin iştirakı ilə, Yollar Departamenti sahil bərkitmə layihəsini hazırlamalıdır ki, bu da bizə sahil zolağının funksiyasını qorumağa və onun gələcək inkişafına imkan verəcək” -deyə Poti meri Beka Vacharadze bildirib.

Xatırlatmaq istərdik ki, güclü fırtına Poti ilə birlikdə Anakliya və Qanmuxuridə də problemlər yaradıb.