Portuqaliyada həbsxanaların birindən 5 məhbus qaçıb, onların arasında biri gürcüdür. Məhkumlar paytaxt Lissabondan 70 kilometr aralıda yerləşən Vale de Judeusun ciddi rejimli həbsxanasından qaçıblar. Bu haqda Portuqaliya mediası məlumat yayır.

Qaçan məhbuslar arasında iki portuqaliyalı, bir argentinalı, eləcə də adam oğurluğu və soyğunçuluğa görə doqquz il həbs cəzası çəkən bir britaniyalı da var.

Yerli medianın xəbər verdiyi üzrə, portuqaliyalılar narkotik alveri, oğurluq, soyğunçuluq və adam oğurluğu kimi bir sıra cinayətlərə görə 25 il həbs cəzasına məhkum ediliblərmiş. Digər üç nəfər oğurluq, adam oğurluğu və soyğunçuluq kimi cinayətlərə görə cəza çəkirdi.

Portuqaliyanın Penitensiar Xidmətinin məlumatına əsasən, məhbuslar şənbə günü səhər nərdivanla divarın üstündən keçiblər, bu zaman kənardan onlara kömək edilib. Portuqaliyanın Milli Həbsxana Mühafizəçiləri Birliyi qaçan məhbusların son dərəcə təhlükəli olduğunu bəyan edir. Qurum vətəndaşları onlara yaxınlaşmamağa çağırır. Portuqaliya polisi onları saxlamaq üçün beynəlxalq yardım istəyib.