Polis, İmereti və Kvemo Kartlidə qanunsuz odlu silah və döyüş sursatı ələ keçirdi, iki nəfər saxlanılıb

“Axtarış və istintaq tədbirləri nəticəsində Daxili İşlər Nazirliyinin əməkdaşları müxtəlif vaxtlarda İmereti və Kvemo Kartlidə qanunsuz odlu silah və döyüş sursatı ələ keçirdi. Qanunsuz olaraq odlu silah və döyüş sursatı alqı-satqısı ilə ittiham olunan iki nəfər saxlanıldı: 1985-ci il təvəllüdlü M.K. Və 1990 -cı il təvəllüdlü V.Q.

Cinayətlər 4 ildən 7 ilə qədər azadlıqdan məhrum edilməni nəzərdə tutur.

İmeretinin Zestaponi rayon şöbəsi, Raça-Leçxumi və Kvemo Svaneti Polis Şöbəsinin əməkdaşları, M.K-nın nəqliyyat vasitəsinə edilən axtarış nəticəsində Makarov sistemli odlu silah, döyüş sursatı və 8 döyüş patronunu sübut kimi götürdülər.

V.Q -yə gəlincə, o, Marneuli Bələdiyyəsinin Alqeti kəndi yaxınlığında hərəkət edərkən Kvemo Kartli Polis İdarəsinin Marneuli Rayon Şöbəsi tərəfindən dayandırılıb. Şəxsi axtarış nəticəsində polis sübut olaraq 6 ədəd patronu olan” Naqan” tipli odlu silah götürüb”, – deyə Daxili İşlər Nazirliyindən bildiriblər.

Odlu silah və döyüş sursatının qanunsuz alınması, saxlanması və gəzdirilməsi faktları Gürcüstan Cinayət Məcəlləsinin 236 -cı maddəsinin 3 -cü və 4 -cü hissələri ilə araşdırılır.