Daxili İşlər Nazirliyinin Tbilisi Polis İdarəsinin əməkdaşları “isti iz”lə keçirdikləri əməliyyat tədbirləri və istintaq hərəkətləri nəticəsində 1984-cü il təvəllüdlü S.Q.-ni qəsdən adam öldürmə ittihamı ilə saxlayıblar. Məlumatı Daxili İşlər Nazirliyi yayır.

“İstintaqla cari ilin iyunun 12-də təqsirləndirilən şəxsin Tbilisidə Lilo qəsəbəsində qonşusu 1974-cü il təvəllüdlü A.Ğ.-ni ov tüfəngindən açdığı atəşlə ölümcül yaraladığı müəyyən edilib.

Hüquq-mühafizə orqanlarının əməkdaşları hadisədən az sonra təqsirləndirilən şəxsi saxlayıblar.

Cinayətin törədildiyi alət – ov tüfəngi sübut olaraq götürülüb.

Qəsdən adam öldürmə faktı ilə bağlı Gürcüstan Cinayət Məcəlləsinin 108-ci maddəsi ilə istintaq davam etdirilir. Cinayət 10 ildən 15 ilədək müddətə həbs cəzasını nəzərdə tutur” -deyə Daxili İşlər Nazirliyinin məlumatında qeyd olunub.