Daxili İşlər Nazirliyinin Kvemo Kartli Polis İdarəsinin əməkdaşları “isti izlərlə” həyata keçirdikləri əməliyyat-axtarış tədbirləri və istintaq hərəkətləri nəticəsində 1973-cü il təvəllüdlü A.İ.-ni qəsdən adam öldürmə ittihamı ilə saxlayıblar.

Daxili İşlər Nazirliyinin məlumatına görə, cinayət 10 ildən 15 ilədək azadlıqdan məhrum etməni nəzərdə tutur.

“İstintaq nəticəsində, müqəssirin cari ilin iyulun 14-də Marneuli Munisipalitetinin Meore Kesalo kəndində, torpaq sahəsinin mülkiyyət hüququ ilə bağlı mövcud münaqişə zəminində, həmkəndlisi – 1958-ci il təvəllüdlü T.E. -yə ov tüfəngindən açılan atəşlə xəsarət yetirdiyi və hadisə yerindən qaçdığı müəyyən edilib. Yaralı kişi daha sonra tibb müəssisəsində dünyasını dəyişib.

Qəsdən adam öldürmə faktı ilə əlaqədar Gürcüstan Cinayət Məcəlləsinin 108-ci maddəsi ilə istintaq aparılır” -deyə məlumatda qeyd edilir.