Planetin ən zəngin insanları koronavirusa görə, bir həfətdə 444 milyard dollar itirdilər.

Bu haqda məlumatı “The Guardian” yayır.

Britaniyalı nəşriyyatın məlumatına görə, ən çox zərər görənlər Cef Bezos, Bil Geyts, Bernar Arno, Elon Mask və Mark Tsukerberq oldular.

“Amazonun” təsisçisi son bir həftədə 11,9 milyard dollarlıq zərər gördü. Bill Geitsin sərvəti isə, 10 milyard dollarla azaldı. Elon Mask və Mark Tsukerberq isə, 9 milyard dollar zərər gördülər.

Zərər görənlərin siyahısında Uoren Baffet də var.

Koronavirus epidemiyası fonunda, beynəlxalq miqyasda, fond birjasında aktivlər yenə düşdü. Qərb medyasının məlumatına görə, belə aşağı göstəricilər ən son 2008-ci ilin qlobal maliyyə böhranında qeydə alınmışdı.

Koronavirusa görə, fond birjaları tam beş trilyon dollar itirdilər.

Neftin qiyməti isə, beş faizlə azaldı.