Gürcüstanın namizəd statusu ilə bağlı qərar siyasi məsələdir və biz Avropa İttifaqından bu siyasi öhdəliyi, payızda qəbul edilməsi gərəkən qərarı tələb edirik-bu barədə Macarıstanın xarici işlər naziri Piter Siiarto Gürcüstanın xarici işlər naziri İlia Darçiaşvili ilə birgə mətbuat konfransında danışıb.

Siiartonun qeyd etdiyi kimi, Gürcüstan payızda namizəd statusu almalıdır. O, Gürcüstanın bunun üçün hər şeyi etdiyini bildirib.

“Qafqaz regionu ilə əməkdaşlığa böyük əhəmiyyət veririk, bunu oktyabrın 11-12-də Tbilisidə Gürcüstan və Macarıstan hökumət üzvlərinin iştirakı ilə birgə sammitin keçiriləcəyi sübut edir. Sammit çərçivəsində investisiya proqramı, eləcə də təqaüdün müddətinin uzadılması ilə bağlı saziş imzalanacaq. Görüşdə Gürcüstana Aİ-yə namizəd ölkə statusunun verilməsi məsələsini də müzakirə etdik. Hesab edirik ki, Gürcüstan payızda namizəd statusu almalıdır. Gürcüstan bunun üçün hər şeyi etdi. Gürcüstanın namizəd statusu ilə bağlı qərar siyasi məsələdir və biz Avropa İttifaqından bu siyasi öhdəliyi, payızda qəbul edilməsi gərəkən qərarı tələb edirik” – Piter Siiarto bildirib.