Gürcüstanı Avropa İttifaqına üzvlük yolunda növbəti mərhələyə daşıyacaq Avropa Şurasının qərarına bir neçə gün qalıb, ortaq yoldayıq-bu barədə Avropa İttifaqının Gürcüstandakı səfiri Pavel Herçinski jurnalistlərə açıqlayıb.

“Son on ildə Gürcüstanın kənd təsərrüfatı sektorunun transformasiyasına dair hesabatın təqdimatında iştirak etməkdən şadam. Bu gün Gürcüstanı Avropa İttifaqına üzvlük yolunda növbəti mərhələyə daşıyacaq Avropa Şurasının Gürcüstanın namizəd statusu ilə bağlı qərarına cəmi bir neçə gün qalıb. Biz ümumi yoldayıq. On ildir ki, Avropa İttifaqı Kənd Təsərrüfatı və Kənd Yerlərinin İnkişafı üzrə Avropa Qonşuluq Proqramı vasitəsilə Gürcüstanın Kənd Təsərrüfatı və Kənd İnkişaf Strategiyasının həyata keçirilməsinə dəstək verir. Bu, Avropa İttifaqının Gürcüstana yardımının flaqmanıdır”- Avropa İttifaqının səfiri bildirib.