Avropa İttifaqı Rusiyaya qarşı ən sərt sanksiyaları tətbiq edib. Bilirəm ki, müxtəlif ölkələr müxtəlif yollarla birgə səyləri təşviq edir, Gürcüstan bizim sanksiyaların hamısını deyil, bəzilərini tətbiq edib. İstərdik ki, Gürcüstan sanksiyalardan yayınmaq üçün istifadə edilməməsini təmin etsin, hazırda Gürcüstanın sanksiyalardan yayınmağa kömək etdiyi barədə məlumatımız yoxdur – bu barədə Avropa İttifaqının Gürcüstandakı səfiri Pavel Herchinski açıqlayıb.

O, Rusiyanın davranışını dəyişməsi və Ukraynaya qarşı təcavüzü dayandırmasının zəruri olduğunu bildirib.

“Avropa İttifaqı Rusiyaya qarşı ən sərt sanksiyaları tətbiq edib. Məqsədimiz Rusiyanın davranışını dəyişmək və Rusiyanın bu dəhşətli müharibəni bitirmək üçün Ukraynaya qarşı təcavüzünə ən qısa zamanda son qoymasını təmin etməkdir. Bunun üçün bizə Rusiyanın davranışını dəyişməsi və Ukraynaya qarşı təcavüzü dayandırması lazımdır. Rusiyaya qarşı çoxtərəfli siyasətimizin elementlərindən biri də sanksiyalardır. Avropa İttifaqının 27 üzv dövlətinin hamısı hər dəfə yeni sanksiyalar paketi ilə bağlı razılığa gəldi və biz bunu beynəlxalq tərəfdaşlarımızla birlikdə də edirik. Bilirəm ki, müxtəlif ölkələr bu birgə səylərə müxtəlif yollarla töhfə verirlər və Gürcüstan bizim sanksiyaların hamısını deyil, bəzilərini tətbiq edib və istəyirik ki, Gürcüstan öz əraziləri və gürcü şirkətlərin sanksiyalardan yayınmaq üçün istifadə olunmamasını təmin etsin. Hazırda Gürcüstanın sanksiyalardan yayınmağa kömək etdiyi barədə məlumatımız yoxdur”-deyə Pavel Herchinski açıqlayıb.