Avropa İttifaqının Gürcüstandakı səfiri Pavel Herchinski Gürcüstanda üzərində işlənən 12 prioritetin yekun qiymətləndirilməsinin Avropa İttifaqına üzv dövlətlər tərəfindən veriləcəyini bildirib.

Səfir il ərzində Avropa İttifaqına gedən yolda Gürcüstanın növbəti addımları ilə bağlı müsbət qərar veriləcəyinə ümidvar olduğunu qeyd edib.

“Gürcüstanın Avropa İttifaqına gedən yolda sürətlə hərəkət edəcəyinə səmimi şəkildə ümid edirəm, hərçənd gözləmək kifayət etmir. Ev tapşırığını gürcülər yerinə yetirməlidirlər. Bildiyimiz kimi, Gürcüstan 12 prioritet götürüb və üzərində iş aparılır. Biz əldə ediləcək irəliləyişi qiymətləndirəcəyik. Yekun qiymətləndirmə Avropa İttifaqının 27 üzv dövləti tərəfindən yekdilliklə qəbul ediləcək. İl ərzində Avropa İttifaqına gedən yolda Gürcüstanın növbəti addımları ilə bağlı müsbət qərar veriləcəyinə səmimi şəkildə ümid edirəm”- deyə Pavel Herchinski açıqlayıb.