Kilsə zorakılığı və təcavüzü, cəmiyyətin partiyalara bölünməsinə, qarşıdurmaya səbəb olan o qeyri-sağlam prosesləri və hərəkətləri qəbul etmir. – Bu, Patriarxlığın bəyanatında qeyd olunur.

Patriarxlıq “TV Pirveli”nin çəkiliş qrupuna edilən hücuma cavab verir.

“Təəssüf ki, ölkəmizdə vəziyyət hələ də gərgindir. Dünən axşam saatlarında naməlum şəxslərin “TV Pirveli”nin jurnalist və operatoruna hücumu prosesin idarəolunmaz hala düşəcəyindən və bu kimi zorakılıq aksiyalarının tez-tez baş verəcəyindən ehtiyatlanmağa əsas verir.

Biz qətiyyətlə bildiririk ki, zorakılıq və aqressiya, cəmiyyətin parçalanmasına və münaqişəyə səbəb olan qeyri-sağlam proseslər və hərəkətlər kilsə üçün qəbuledilməzdir.

Biz Gürcüstan hökumətini və dövlət strukturunun nümayəndələrini dərhal araşdırma aparmağa və ölkədə oxşar hərəkətləri dayandırmağa çağırırıq. Biz açıq şəkildə ciddi ictimai mübahisə ilə üz-üzəyik, ona görə də ölkədə sülh prosesini asanlaşdırmaq üçün təcili olaraq qətiyyətli tədbirlər görülməlidir.

Siyasi mənsubiyyətindən və fikrindən asılı olmayaraq cəmiyyətin bütün üzvlərini təxribata uymamağa, maksimum təmkin və sağlam düşüncə nümayiş etdirməyə çağırırıq.

Gəlin həmvətənlərimizin qayğısına qalaq və bu çətin günlərdə sülh və birlik duasını xüsusilə gücləndirək!

“Rəbb millətə qüvvət versin, Rəbb millətə sülh versin” (ps. 28, 11)”. – Patriarxlığın bəyanatında qeyd olunur.