Gürcüstan parlamentində payız sessiyası başlamazdan əvvəl Şovidə həlak olanların xatirəsi bir dəqiqəlik sükutla yad edilib.

Parlamentin sədri Şalva Papuaşvili avqustun 3-də ölkənin başına ən böyük faciənin gəldiyini bildirib.

“Bu il avqustun 3-də ölkəmizin başına böyük faciə gəldi. Bizim üçün ən sevimli və cənnətlə eyniləşmiş guşədə böyük bir təbii fəlakət baş verdi, fəlakət, həmvətənlərimizin, o cümlədən uşaq və qadınların həyatına son qoydu. Mən bir daha həlak olanların ailələrinə başsağlığı vermək istərdim, sözlər yetərsizdir”- deyə Papuaşvili bildirib.

Avqustun 3-də Şovidə torpaq sürüşməsi baş verib. Təbii fəlakət zonasında 31 meyit tapılıb, 2 vətəndaşın axtarışları davam edir.