Parlament 88 lehinə, üç əleyhinə, üçüncü oxunuşda sürətləndirilmiş qaydada “Seçki Məcəlləsi”ndə “gender kvotalaşdırma”nın qaydası ilə bağlı dəyişikliyi qəbul edib, bu məcəllənin 203-cü maddəsinə şamil edilib.

Qanuna əsasən, 2032-ci ilin oktyabrında keçiriləcək seçkilər də daxil olmaqla “gender kvotalaşdırma”nın tənzimləyici normaları qüvvədə olacaq.

Həmçinin, əgər parlamentin deputatının və munisipalitet sakrebulosunun kişi üzvünün səlahiyyət müddəti vaxtından əvvəl dayandırılsa, növbəti üzvlüyə namizəd onun yerini tutacaq ki, bu da siyahının növbəti üzvünün qadın deputat olmasına imkan yaradır.

Təşəbbüskarların açıqlamasına görə, qanun gender bərabərliyinin vəziyyətinə müsbət təsir göstərəcək, çünki o, Gürcüstanın təmsilçilik orqanlarında qadınların təmsilçiliyinin artmasına töhfə verəcək.

Parlament üzvləri: Qivi Mikanadze, Baia Kvitsiani, Qreta Tsitsava, Nino Tsilosani, Ramina Beradze, İrma Zavradaşvili, Mariam Laşxi, Ketevan Dumbadze və Maia Menağarişvili qanun layihəsinin təşəbbüskarlarıdır.