Gürcüstanın parlament nümayəndə heyəti Avropa İnteqrasiya Komitəsi sədrinin birinci müavini Levan Karumidzenin rəhbərliyi ilə Budapeştdə keçirilən “Avropa İttifaqının sabitliyi, iqtisadi koordinasiya və idarəetmə” mövzusunda parlamentlərarası konfransda iştirak edib. Məlumatı Gürcüstan parlamentinin mətbuat xidməti yayıb.

Onların məlumatlarına görə, Avropa İttifaqının parlamentlərarası sessiyasında Aİ-nin büdcəsi və iqtisadi idarəetmə çərçivəsinin islahatı ilə bağlı müzakirələr aparılıb.

“Avropa İttifaqı Şurasına sədrlik edən ölkə Macarıstan tərəfindən oktyabrın 3-4-də Budapeştdə təşkil olunan tədbirdə Avropa İttifaqına üzv və namizəd ölkələrin milli parlamentlərinin üzvləri, Avropa İttifaqı institutlarının yüksək səviyyəli nümayəndələri iştirak ediblər.

Nümayəndə heyətinə Avropa İnteqrasiya Komitəsi sədrinin birinci müavini Levan Karumidze və parlamentin büdcə ofisinin rəhbəri Andria Qvidian daxildir”. – Məlumatda qeyd olunur.