İfadə azadlığı dövlət tərəfindən qorunmalıdır, dəyərləri və adət-ənənələri daşla, əsalarla, insanları daşqalaq etməklə, məhv etməklə qoruya biləcəklərini düşünən qrupların nə gürcü dəyərlərinin, nə də adət-ənənələrinin qorunması ilə heç bir aidiyyəti yoxdur, – bu barədə “Quruculuq Strategiyası”nın üzvü Paata Mancqaladze açıqlayıb.

Paata Mancqaladzenin qeyd etdiyinə görə, “Pride” festivalının əleyhdarları Rusiyanın təsir qruplarıdır.

“Mən bugünkü aksiyanın məzmununa toxunmayacağam. Bir şeyi bilirəm, konstitusiyada yazılıb ki, hər bir insanın ifadə azadlığı var. İfadə azadlığı dövlət tərəfindən qorunmalıdır, dəyərləri və adət-ənənələri daşla, əsalarla, insanları daşqalaq etməklə, məhv etməklə qoruya biləcəklərini düşünən qrupların nə gürcü dəyərlərinin, nə də adət-ənənələrinin qorunması ilə heç bir aidiyyəti yoxdur. Bu adamlar Rusiyanın təsir qruplarıdır, bəziləri yanlış yoldadır, bəziləri birbaşa maliyyələşir və bunu inkar etmirlər, ölkədən özlərinə ehtiyaclarını sübut etmək üçün istifadə edirlər. Gürcüstanda bu istiqamətdə heç bir problem yoxdur, xüsusən də dini kimliyimiz və ənənəvi dəyərlərimizin qorunması ilə bağlı sual işarələri yoxdur”, – Mancqaladze bildirib.