Qanunverici orqan üç müxalifət deputatının – Şalva Natelaşvili, Elene Xoştariya və Badri Caparidzenin mandatına xitam verərsə, onuncu çağırış parlament 150 deyil, 145 üzvdən ibarət olacaq.

Deputatların sayının azalmasına səbəb müxalifət partiyalarının seçici siyahılarını bağlaması və əvəzediciləri irəli sürə bilməməsidir. Hazırda mandatdan şəxsən imtina edən Mamuka Xazaradze və Nika Melia parlamentdən istefa veriblər və onların qərarı əsasında “Milli Hərəkat” və “Lelo” mandatlarını itiriblər.

Eyni zamanda, parlamentin Prosessual Məsələlər Komitəsi Badri Caparidzenin deputat səlahiyyətlərinə xitam verilməsini məqsədəuyğun hesab edir. Komitənin mövqeyinin əsasını konstitusiya norması təşkil edir ki, parlament üzvü məhkəmənin qanuni qüvvəyə minmiş hökmü ilə təqsirli bilinərsə, onun səlahiyyətlərinə xitam verilməlidir.

Şalva Natelaşvili və Elene Xoştariyaya gəlincə, onların parlament səlahiyyətlərinə xitam verilməsi üçün əsas konstitusiya qeydidir – əgər parlament üzvü əsassız səbəblərə görə sessiya zamanı iclasların yarıdan çoxunda iştirak etmirsə, onun səlahiyyətlərinə xitam verilməlidir.