Zudali kəndində torpaq yamacının çökməsi mərkəzi avtomobil yolunun müəyyən hissəsinə ziyan vurdu-bu barədə Oni bələdiyyəsi merinin birinci müavini Qiorqi Nodarişvili bildirir.

Onun sözlərinə görə, yol bərpa olunacaq.

“Kutaisi-Alpana-Mamisoni yolunun 107-ci kilometrliyində körpü keçidinin tikintisi davam edir. İşlər zamanı bu təhlükə gözlənilirdi. İşlərdə iştirak edən heç kəsin zərər görməməsi üçün hər cür şərait nəzərə alınmışdı. Ən əsası isə işlər zamanı xəsarət alan olmayıb. Yol yüngül avtomobillər üçün açıqdır. Bu mərhələdə təkrarlanma təhlükəsi yoxdur. İndi yol bərpa olunacaq, ona görə də daha problem olmayacaq”, – Qiorqi Nodarişvili bildirib.

Avtomobil Yolları İdarəsi Kutaisi (Choma)-Alpana-Mamisoni dağ yolu və Saçxereni Racayla birləşdirən yolda aparılan işlər zamanı torpaq çökməsi barədə də məlumat yayıb. Onların məlumatına görə, sözügedən hissədə mövcud divar çatlayıbmış, bu səbəbdən yolun hərəkət hissəsi parapetlə əhatə olunub və hərəkət yalnız bir zolaqda davam edib və  çökmüş torpaq kütləsi əhatələnmiş ərazidən kənara çıxmayıb.

Bundan başqa, “Area Konkret Group” tikinti şirkətinin nümayəndəsinin sözlərinə görə, yolun tikintisi zamanı aşınmış yamac çöküb, bu da gözlənilən imiş və təhlükəsizlik tədbirləri maksimum nəzərə alınmaqla yolun hərəkət hissəsi azaldılıb.