Bizi Avropaya aparacaq məqsəd və vəzifələr haqqında fundamental razılaşma olmalıdır. Bu səbəbdən ümid edirəm ki, bu gün hər tərəfdən aydın təsdiq olacaq – bu barədə Avropa İttifaqının Qonşuluq Siyasəti və Genişlənmə danışıqları üzrə komissarı Oliver Varhei Gürcüstanın baş naziri İrakli Ğaribaşvili ilə birgə keçirilən mətbuat konfransında bildirib.

“Gürcüstan əhalisinin əksəriyyəti ölkəmizin gələcəyini Avropada görür, bunun üçün 12 tövsiyənin yerinə yetirilməsi prosesi gedir, parlament qanunlar qəbul edir, lakin əsasən hakim partiyanın iştirakı ilə. Eyni zamanda, müxalifətdən eşidirik ki, Gürcüstan namizəd statusu ala bilməyəcək. Bizə nə deyə bilərsiniz, tövsiyələrin icrası yolunda ölçünüz nədir  hansı halda tövsiyələrin yerinə yetirildiyini hesab edərdiniz?”-deyə jurnalistin sualına Varhei bu şərhlə cavab verib.

Oliver Varhei milli konsensusun formalaşmalı olduğunu bildirib, əks halda prosesi idarə etmək mümkün olmayacaq.

“Avropa İttifaqına namizəd statusu almaq üçün Avropa İttifaqına gedən yolda milli konsensus formalaşmalıdır. Sistem belə işləyir, bu sistem başqa cür işləmir, biz bunu başqa ölkələrin timsalında görmüşük, 2004, 2007-ci ildə genişlənmə yolunda Xorvatiya da eyni rejimdə idi. Ölkənin həyatında elə bir an gəlir ki, konsensus formalaşmalıdır, əks halda prosesi idarə etmək mümkün olmayacaq. Ona görə də mən hakimiyyətə, müxalifətə diqqət çəkmək istəmirəm, çünki hər şey dəyişir, lakin Avropaya aparacaq məqsəd və vəzifələrlə bağlı fundamental razılaşmanın olması dəyişməyən amildir. Ona görə də ümid edirəm ki, bu gün hər tərəfdən aydın təsdiq olacaq. Təbii ki, hökumətin üzərinə ən böyük məsuliyyət düşür, o, bizə təkliflər irəli sürür, bu tövsiyələrin icrasına əsaslanan iş təklif edir, lakin burada görüləcək işlərin ən böyük payı parlamentin üzərinə düşür, bu səbəbdən parlamentə gələrək, mövqeləri onlarla razılaşdıracağam”-deyə Oliver Varhei bildirib.