Almaniyanın kansleri Olaf Şolts, Fransada yaxınlaşan parlament seçkilərindən narahat olduğunu bildirir.

“Mən Fransanın seçkilərindən həqiqətən narahatam. Mən vurğulamaq istəyirəm və ümid edirəm ki, Le Peni təmsil etməyən partiyalar bu seçkilərdə uğurlu olacaqlar” – Şolts media ilə söhbətində qeyd edib.

Almaniyanın kansleri əlavə edib ki, seçkilərin taleyi son nəticədə fransızlardan asılıdır.

Xatırladaq ki, Avropa Parlamentinin seçkilərinin nəticələrinin elan edilməsindən sonra Fransanın Prezidenti Emmanuel Makron yeni parlament seçkilərinin keçirilməsi qərarını bəyan edib.

Fransada növbədənkənar parlament seçkiləri iyunun 30-da və iyulun 7-də keçiriləcək. İlkin sorğuların nəticələrinə əsasən, Marin Le Penin ifrat sağçı “Milli Birlik” partiyası seçkilərdə səslərin əksəriyyətini qazanacaq.